Pm Awas Plus 2025 प्रधानमंत्री आवास योजना ग्रामीण (PMAY-G) टप्पा 2 अंतर्गत घरकुल योजनेचा लाभ घेऊ इच्छिणाऱ्या लाभार्थ्यांसाठी एक दिलासादायक बातमी समोर आली आहे. शासनाने सेल्फ सर्व्हे करण्याची अंतिम मुदत ३१ जुलै २०२५ पर्यंत वाढवली असून, ज्यांची नावे याआधी यादीत नव्हती किंवा जे विविध कारणांमुळे अपात्र ठरले होते, अशा कुटुंबांसाठी ही एक सुवर्णसंधी आहे.
आवास प्लस अॅपद्वारे करा ‘सेल्फ सर्व्हे’
या योजनेसाठी ‘Awaas Plus 2025’ अॅपच्या माध्यमातून अर्जदारांनी ३१ जुलै २०२५ पर्यंत स्वतःचा सर्वे करून अपडेट करणे आवश्यक आहे. पूर्वी ही अंतिम तारीख १८ जून होती, मात्र आता शासनाने मुदतवाढ दिल्याने हजारो गरजू कुटुंबांना संधी मिळाली आहे.
घरकुल योजनेचे महत्त्व
प्रधानमंत्री आवास योजना ग्रामीण ही केंद्र व राज्य सरकारच्या संयुक्त प्रयत्नाने राबवली जाते. योजनेचा उद्देश ग्रामीण भागातील आर्थिकदृष्ट्या दुर्बल कुटुंबांना पक्के घरकुल उभारण्यासाठी आर्थिक मदत देणे हा आहे. या योजनेचा लाभ कोणत्याही जाती, धर्म किंवा श्रेणीपुरता मर्यादित नसून, सर्वसामान्य, अनुसूचित जाती, अनुसूचित जमाती, ओबीसी आणि इतर मागास वर्गांतील पात्र नागरिकांना मिळतो.
काय आहे पात्रतेसाठी महत्त्वाचे?
योजनेत सहभागी होण्यासाठी संबंधित कुटुंबांचे नाव सर्वेक्षण यादीत असणे अत्यावश्यक आहे. याशिवाय, ज्या कुटुंबांना 2018 मध्ये सिस्टीमने ‘अपात्र’ ठरवले होते, त्यांना आता पुन्हा एकदा संधी देण्यात येत आहे.
सिस्टमद्वारे ‘फ्लॅग’ केलेल्या अर्जांवर चेकरद्वारे ३१ जुलै २०२५ पर्यंत पडताळणी केली जाणार आहे. त्यामुळे मागास भागातील आणि गरजू कुटुंबांसाठी ही सुवर्णसंधी ठरू शकते.
FAQs: वारंवार विचारले जाणारे प्रश्न
1. ‘सेल्फ सर्व्हे’ कधीपर्यंत करता येईल?
31 जुलै 2025 ही अंतिम मुदत आहे. तोपर्यंत Awaas Plus 2025 अॅपद्वारे अर्ज सादर करता येईल.
2. माझे नाव याआधी अपात्र म्हणून आले होते, मी काय करू शकतो?
तुम्ही पुन्हा सेल्फ सर्व्हे करून सादर करू शकता. चेकर याचे पुनर्पडताळन करतील.
3. घरकुल योजनेसाठी कोण पात्र आहे?
ग्रामीण भागातील गरीब, कच्च्या घरात राहणारे, उत्पन्न मर्यादा असलेले कुटुंब, ज्यांचे नाव सामाजिक-आर्थिक सर्वेक्षणात आहे.
4. अर्ज कुठून करायचा?
‘Awaas Plus 2025’ अॅपद्वारे किंवा स्थानिक ग्रामपंचायत कार्यालयात संपर्क साधून अर्ज करता येतो.
5. सर्वे यादीत नाव नसल्यास काय करावे?
जर नाव नसेल, तर तुमचा सर्वे करून नाव नोंदवण्याची प्रक्रिया पूर्ण करणे गरजेचे आहे.
